يعيش أهل بلدي
و بينهم مافيش
تعارف يخلي التحالف يعيــش
تعيش كل طايفة
من الثانية خايفة
و تنزل ستاير بداير و شيــــش
لكن ف الموالد
ياشعبي يا خالد
بنتلم صحبة
و نهتف يعيش
يعيش أهل بلدي
يعيش المثقف على مقهى ريش
يعيش يعيش يعيش
محفلط مزفلط
كثير الكلام
عديم الممارسة
عدو الزحام
بكام كلمة فاضية
و كام اصطلاح
يفبرك حلول المشاكل قـــوام
يعيش المثقف
يعيش يعيش يعيش
يعيش أهل بلدي
يعيش التنابلة ف حي الزمالك
و حي الزمالك
مسالك مسالك
تحاول تفكر
تهوب هنالك
تودر حياتك
بلاش المهالك
لذلك
إذا عزت توصف حياتهم
تقول الحياة عندنا مش كذلك
وممكن تشوفهم
فـ وسط المدينة
اذا مر جنبك اوتومبيل سفينــة
قفاهم عجينة
كروشهم سمينة
جلودهم بتضوي
دماغهم تخينة
سنانهم مبارد
تفوت فـ الجليد
مفيش سخن بارد
بياكلوا الحديد
مدام نهر وارد
و جي م الصعيد
تزيد الموارد
كروشهم تزيد
و تسمع و تسلم
بأن التنابلة أو الأكالين
حيسمح كبيرهم
و يعمل مقابلة مع الفلاحين
و يحصل تحالف ما بين الجميع
و نملا المصارف بدم القطيع
أطيع الخليفة
أطيع والديك
أطيع التنابلة
دا مفروض عليك
و تزرع و تبعت لحي الزمالك
و حي الزمالك
مسالك مسالك
تحاول تفكر تهوب هنالك
تودر حياتك
بلاش المهالك
لذلك
إذا حد جاب لك سيرتهم
تبسمل تكبر
و تهتف كذلك
يعيش التنابلة
يعش يعيش يعش
يعيش أهل بلدي
يعيش الغلابة في طي النجوع
نهارهم سحابة
و ليلهم دموع
سواعد هزيلة
لكن فيها حيلة
تبدر تخدر جفاف الربوع
مكن شغل كايرو
ما يتبعش دايروه
لا ياكل و لا حتى يقدر يجوع
يا غلبان بلدنا
يا فلاح يا صاتع
يا شحم السواقي
يا فحم المصانع
يا منتج يامبهج
يا آخر حلاوة
يا هادي .. يا راضي
ياعاقل .. يا قانع
ما تتعبش نفسك
ف شغل السياسة
و شوف انت شغلك
بهمة و حماسة
و عود عيالك فضيلة الرضا
لأن احنا طبعا عبيد القضا
و رزقك ورزقي و رزق الكلاب
دا موضوع مؤجل ليوم الحساب
كمان الصحافة حتكتب ف حالتك
و تنشر مناظر لخالك و خالتك
و تطلع يا مسعد عليك الغناوي
و تسمع باسمك ف قلب الرداوي
تحبك مشيرة و بنات الجزيرة
و قصة غرامك تشيع ف الرداوي
يعيش عم مسعد
يعيش يعيش يعيش
يعيش أهل بلدي
أحمد فؤاد نجم
إختيار حلو
الله ينور
عاوزين رايك فى بوست جديد بعنوان لعب وحب وجد وقتل
salah h: http://netonradio.blogspot.com
ازياك يا مصطفي
معلش مردتش علي طول علي الصور بتاعة مبارك.
بس شوفتها وتعديلك كويس جدا بس في حاجة واحدة بس مبارك خان.خلي في مسافه مابنهم.وحالو تبظط من عند الخوذة والفروالي علي وش امه بس وكدا انت ميه ميه.
وبعدين يامصطفي في حد يعمل في حبيبه كدا مش انت بتحب مبارك بردو ولا رجعت في كلامك :)
شوفت كنت هنسني لو عايز تعديل كمات هات لينك للصورة بتاعة مبارك.
طب فين منا مش عارف الايميل
:D
حط اللينك هنا يامصطفي
انا مسحت التعليق الي فات .
:)
اختيار موفق جداا
ربنا يوفقك
The PSD file
منتحرمش من أفضال حضرتك يا مادو باشا
متقولش كدا بس.دا واجب وطني : )
هات الصورة بتاعة مبارك بس من غير اي تعديل.معلش هتعبك معايا.
Here it is
mubarak
معلش اتاخرت عليك بس بجد الفرو قرفني وهو دا اخر حاجة .
الفرو تظبيطه جامد
بس انت خليته أمور يا مادو .. ومش مكشر تكشيره منيله بنيله .. ورفيع
مين فينا بقى اللي بيحبه؟!
:D:D
مشكور يا باشا
مادو أطلب منك طلب رخم
متظبط الفرو ده عليه وهو كشري وشكله عجوز وتخين :D
انت خليته موز يا رجل حرام عليك
جنرال مادو
طبقاً لتعليمات وتوجيهات سيادتك قمت بمحاولة تنفيذ أوامر فخامتك وخربتها في الريش وحاولت أظبط فيه شويه .. بقيت أعلم بال بين تول وأحدد وأعمل الديجري 10 وبعدين أدوس ديليت وأمسح شويه لقيتها اتظبطت شويه
وبعدت الكلمه
لو ممكن سيادتك تطلع عليها يبقى كتير خيرك
(هما 2 ورا بعض واحده فاتحه وواحده مهببه) .. الهباب ده مفيد في الحرايق
أهم يا فندم
:(
هو مفيش مقارنه بين العك اللي عملته في الريش
والريش اللي حضرتك عملته
بس انت خليته صبي يا مادو .. وهو في الحقيقه كشري وغلس ومشمئنط وسفاح وحارق البلد كلها
انا قولت اعملة شد علي حسابي بدل ما يعمل علي حساب الدولة ويخرب بيتنا.بس هو الشد مش قوي يعني.وهو طالع رفيع شوية علشان عملت وشة بال transform
علشان يتظبط مع وش عمو شنجيز.
وتعديلك الاخير ممتاز.
: )
الله عليك
انا بحب أحمد فؤاد نجم اوى
قرأت كل ما كُتب عنه وكل ما كتب
عاش ألف حياه فى حياه
اختيار رائع منك
كل الاحترام
هههههههههههه
مجهود رائع
منك ومن مادو
تحياتى لكما
ممتااااااااز بصراحة
الراجل ده رغم انه بسيط
بس كلامه عبقرى
د.حماس
مصطفى ياريت لو سجكنت سجلت حلقة انهاردة بتاعة العاشرة مساء اللى فيها الود اللى مدرس موته من الضرب وكان ابوه بيتكلم مع نى الشاذلى على الهواء فى التليفون
ياريت لو سجلتها تبعت لى لينك ليها ضرورى
اشكرك
شكرا على اللينكات
المدونة دي ماشاء الله
روعة
روعة روعة
وفكر عالي فعلاااااااااااااا
بجد مخمختلي جدااا
لو فيه نصيب هجيلك تاني ان شاء الله