TAFATEFO
...قد كنت من غفلتي أعتقد أن العقل هو وحده الوسيلة الطبيعية للتفاهم، فإن حدثت مشكلة احتكمنا إليه وأدلى كل منّا بحججه فإمّا أقتنع وإمّا أقنع، وإمّا أصرّ وإمّا أعدل، ولكني بعد تجارب طويلة رأيت أن العقل أسخف وسيلة للتفاهم مع أكثر ما رأيت من السيدات؛ فأنت تتكلم في الشرق وهن يتكلمن في الغرب، وأنت تتكلم في السماء فيتكلمن في الأرض، وأنت تأتي بالحجج التي تعتقد أنها تقنع أي معاند، وتلزم أي مخاصم، فإذا هي ولا قيمة لها عندهن. تقول: إنّ الأوفق أن نتصرف في هذا الأمر بكذا لكذا من الأسباب، فترد عليك بأقوال متأثرة بعواطف ساذجة. وتقول: هذا التصرف لا يصلح لما يترتب عليه من أضرار تعينها؛ فترد عليك بأنّ العرف والعادة غير ذلك. وتعاقب ابنك لتؤدبه فتفسد العقوبة بتدخلها لمجرّد العطف الكاذب. وتتصرف التصرفات الحكيمة فتؤولها بنظراتها العاطفية تأويلات غريبة. وهكذا أدركت أنّ من الواجب ألا ألتزم المنطق، وأنّي إذا أردت الراحة والهدوء فلأضحّ بالمنطق أحياناً، وأتكلم الكلمة السخيفة إذا كان فيها الرضا، وألعب بالعواطف رغم المنطق إذا أردت السلامة.
أحمد أمين
حياتي
11 تعليقات
  1. شكرا يادرش
    خلاص حليتها قعدت وحاولت عملته الحمد لله
    انا كنت حاطه صور جميله للشروق والغروب مناظر طبيعيه
    اذ فجئتاافتح المدونه الاقي علم اريكا
    يانهار اسود اتجننت
    احاول اشيله تقول لازقه وحسيت بقه انه بيطلع لي لسانه قعدت لغيت ما الحمد لله شلته بجهودي الكمبيوتريه الزاتيه وتم الجلاء
    اموت واعرف جه ازاي


  2. TAFATEFO Says:

    الشكر لله يا فندم .. بس أنا معملتش حاجه .. مبروك .. حضرتك قدها وقدود طبعاً


  3. Desert cat Says:

    لا يا تفاتيفو خانك التعبير
    اصل فى رجاله بتلاقيهم طول الحيطة وارعض من الباب ويمشوا ورا كلام واحده ست
    لا بيحكموا عقل ولا بيسمعوا غير للحريم


  4. TAFATEFO Says:

    desertcat هانم

    أولا نورتيني حضرتك

    ثانيا : في طبعا من الناس اللي حضرتك بتقولي عليهم :D:D

    بس الفقره دي كتبها أحمد أمين .. وبتشرح حقيقة تأثير العواطف على قرارت المرأه (أغلب النساء) أكثر من الأدله العقليه والمنطقيه في كثير من الأحيان.

    وبصراحه .. أنا أمي كده .. مودها وعواطفها تحكم قراراتها في أشياء كثير أكثر بكثير من الأسباب المنطقيه. ولو اتفتحت حكايات في الموضوع عن أمي .. هتتفتح راسي :D


  5. اغلب الستات يادرش كده
    وخصوصا الامهات بس اللي بيحكمها تجاه ابنئها الاحساس وغالبا مابيكون صح
    وكذلك حبها وخوفها عليهم
    بالرغم من ان امي عقلانيه جدا والا يحكمها غيرالعقل وقليل من العواطف
    الاانها قيمايتعلق بينا نحن ابنئها كانت ساعات يغلب عليها العاطفه
    اقعد معها في ساعة صفا وكلمها وناقشها بخفت دمك دي
    هتلاقي حاجه جديده خالص
    كلمها زي مابتكلم طفل
    ساعات الام بتبقه محتاجه تدلع من اولادها
    وطالما هي موديه حطها انت في مود حلو
    صدقني انت هتنبسط وهتاخد ثواب كمان


  6. TAFATEFO Says:

    لا عادي :D .. ده ضحك

    بس هي برضه بتتربس دماغها على حاجات بدون أسباب :P .. وكمان بتقولنا احنا ملناش عيشه في بيوت وعايزين (حظائر) نعيش فيها .. في حد يقول لولاده كده يا سوزي :P .. وغن يكن .. برضه غلطتك .. طالما عارفه كده ليه قعدتينا في بيوت :D:D

    وهحط الكتب على الترابيزه .. ومش هنقل الكمبيوتر .. ومش هتجوز وأريحك مني :P:P:D


  7. شوف يادرش
    كل الامهات بتعمل كده
    وبتقول كده
    سنه بينهم يعني
    انابرضه عندي بنات وبقول لهم كده
    من باب التهديد والنرفزه
    تعالي كده حد ياخد واحده منهم
    والا تتعب والا يجرلها حاجه
    هموت طبعا
    وعلي فكره مامتك مؤدبه
    انا بقول لهم
    زريبه مش حظيره
    واللي مش في مكانه بره اوضيتهم برجعه الاوضه بس مش في مكانه
    ويقعودوا يدوروا عليه وانا عامله نفسي هبله
    المشكله ان انتم بتحبوا الفوضي
    مع ان الترتيب والنظام جميل قوي
    جرب كده وادعيلي


  8. TAFATEFO Says:

    يا سبحان الله .. هي كمان بتقول زريبه

    بس أنا أجرب النظام ؟! .. دنا آيه في النظام .. ده أنا النظام والنظام أنا .. ده أنا بيدلعوني يقولولي يا منظم :D

    يا ستي كتر خيرها انها مستحملني بقرفي بغبائي بـ بابا غنوجي كل ده .. دي بترسم تجوزني علشان تخلص مني .. بس على مين :D

    قاعد أنا .. مش ماشي .. Niaha3


  9. مش قلتلك سنه
    ياعم ماتزقش
    هتروح فين ما انت هتتجوز هتتجوز


  10. TAFATEFO Says:

    ليه كده بس؟ منا قاعد بأدبي أهو وفي غاية اللطافه

    ولكن إذا قدر الله ذلك .. فلست أملك إلا الصبر على ابتلائه طمعا في رضائه

    أنا عن نفسي مش بطيق نفسي .. ومبطيقش حد يغير أسلوب حياتي ولا يتحشر فيها .. ومينفعش أتجوز علشان كده .. أنا كان لي محاوله واحده في الموضوع ده .. بعد ما خلصت كليه مباشرة وأنا في امتياز .. لكن كان لازم أغير أسلوب حياتي .. وده منفعش معايا .. وانتهى الموضوع. وشكراً

    :D


  11. من واقع تجاربي ومن المتعارف عليه
    ان كل انسان له نص اخر
    اي توئم لروحه
    ياهناه وسعده اللي يلاقيه
    وهي دي حسنة الدنيا
    هدعيلك تلاقي توئمتك
    عشان الانسان ماينفعش يعيش لوحده
    وعشلن كمان تخلف عيال
    يطلعوا روحك
    ويعملوا فيك زي ما انت عامل دلوقتي
    امين